Atyraýda statsıonarlardyń jansaqtaý bóliminde jatqan 84 naýqastyń jaǵdaıy aýyr
ATYRAÝ. QazAqparat – Atyraýda ınfektsııalyq statsıonarlardyń jansaqtaý bóliminde koronavırýs ınfektsııasymen jatqan 84 naýqastyń jaǵdaıy aýyr, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, 3 012 tósek-orny bar ınfektsııalyq statsıonarlarda qaýipti vırýs juqtyrǵan 1 736 emdelip jatyr.
«Statsıonarlardaǵy júkteme 57,6%-ǵa jetti. Al, 114 orynǵa arnalǵan jansaqtaý bóliminde koronavırýs ınfektsııasyn juqtyryp, jaǵdaıy nasharlaǵan 84 naýqas oqshaýlandy. Onyń ishinde 8 patsıent ókpeni jasandy jeldetý apparatyna qosyldy. Mundaǵy júkteme 73,6%-dy qurap otyr» -dep habarlady basqarmanyń baspasóz qyzmeti.
Eske sala ketelik, buǵan deıin Atyraýda koronavırýspen aýyrǵan 80 naýqas jansaqtaý bóliminde jatqanyn jazǵan edik.
