Atyraýda statsıonarlardyń jansaqtaý bóliminde jatqan 100 naýqastyń jaǵdaıy aýyr
ATYRAÝ. QazAqparat – Atyraýda ınfektsııalyq statsıonarlardyń jansaqtaý bóliminde jatqan 100 naýqastyń jaǵdaıy aýyr, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń aqparatyna súıensek, ınfektsııalyq statsıonarlarda emdelýge oqshaýlanǵan naýqastar sany 1 789-ǵa jetken.
«Qazir 3 012 orny bar ınfektsııalyq statsıonarlardaǵy júkteme 59,3%-dy quraıdy. Al, statsıonarlardyń 114 oryndyq jansaqtaý bóliminde emdelip jatqan 100 naýqastyń jaǵdaıy aýyr. Onyń ishinde 14 patsıent ókpeni jasandy jeldetý apparatyna qosyldy. Mundaǵy júkteme 87,7%-ǵa jetti» -dep málim etti basqarmanyń baspasóz qyzmetinen.
Eske sala ketelik, buǵan deıin Teńiz ken ornynda koronavırýs juqtyrǵandar sany kúrt óskenin jazǵan edik.
