Atyraýda spýtnıktiń kómegimen tarıhı nysandardyń kartasy jasaldy
ATYRAÝ. QazAqparat - Atyraýda spýtnık kómegimen tarıhı nysandar kartasy jasaldy, dep habarlaıdy «QazAqparat» HAA tilshisi H.Dosmuhamedov atyndaǵy Atyraý memlekettik ýnıversıteti ǵylym departamentiniń dırektory Anııa Ermaǵambetovaǵa silteme jasap.
«Spýtnıktik navıgatsııalyq júıeniń kómegimen barlyǵy 313 tarıhı nysan kartaǵa túsirildi. Olar úńgirler, qorǵandar, mekender, eskertkishter syndy tarıhı oryndar. Máselen kartada Kenenbaı úńgiri kórsetilgen. Bul tabıǵı úńgir», - deıdi H.Dosmuhametov atyndaǵy Atyraý memlekettik ýnıversıteti ǵylym departamentiniń dırektory.
Onyń aıtýynsha, Atyraý oblysynda mundaı úńgirlerdiń beseýi bar.
«Kenenbaı úńirinen basqa bizdiń jaqta Qudyq, Imanǵara, Іnder, Aq kegershin úńgirleri bar. Olar áli aıaǵyna deıin zerttelip bolǵan joq. Keńes ýaqytynda olardy tabıǵat jerasty keńistigimen aınalysatyn speleolog-mamandar zerttedi. Aq kegershin, Imanǵarany 90-ynshy jyldardyń basynda-aq zertteı bastady. Onda adamdar meken etýi múmkin. Bizge bastysy osy eskertkishterdi zerttep, ondaǵy alǵashqy qaýymnyń izderin, eńbek etken quraldaryn tabý kerek», - deıdi Anııa Ermaǵambetova.
