Atyraýda sotta anasy balalarynyń týý faktisin dáleldedi
ATYRAÝ. QazAqparat - Atyraýda qalalyq sot áıeldiń balalarynyń týýyn zańdy rastaý týraly talabyn qanaǵattandyrdy.
«Sotta shaǵymmen júgingen áıeldiń er adammen azamattyq nekede turyp jatqany anyqtaldy. Olardyń úsh kámelettik jasqa tolmaǵan balalary bar. Balalardyń barlyǵyn úıde bosanǵan. Sebebi ony qujattary men turaqty turatyn orny bolmaǵanyn jeleý etip, aýrýhanaǵa qabyldamaǵan. 2015 jylǵy jeltoqsanda úıleri órtenip ketip, olardy daǵdarys ortalyǵyna ornalastyrady. Ol jerde shaǵymdanýshynyń balalarynyń qujaty joqtyǵy úshin tirkeýden bas tartqan. Sot shaǵymdanýshynyń óz balalary ekenine keltirgen jetkilikti dálelderin eskerip, balalardyń týǵanyn zańdy rastaý týraly ótinishin qanaǵattandyrý týraly sheshim shyǵardy», - dep habarlady Atyraý oblystyq sotynyń baspasóz qyzmeti.
