Atyraýda sot aımaqtyń burynǵy basshysy Bergeı Rysqalıevtyń týǵan inisi Amanjan Rysqalıdy qamaýǵa alýǵa sanktsııa berdi

Oblystyq sottyń baspasóz hatshysy Boranbaı Ǵalıevtiń habarlaýynsha, tergeý organdary ony 2008 jyly alaıaqtyq jolymen qurylys kompanııasynan 9 páterdi alǵany boıynsha aıyptaýda. Sol arqyly ol zańdy tulǵaǵa 200 mln. teńgege materıaldyq shyǵyn keltirdi.

«Qazirgi ýaqytta A.Rysqalı aldyn ala tergeý organdarynan jasyrynýda, onyń qaıda júrgeni belgisiz. Oǵan QR QK-niń 177 babynyń 3 bólimi («b» tarmaǵy)  - «Alaıatyq» boıynsha syrttaı aıyp taǵyldy. 2012 jyldyń 1 qazanynda Atyraýdaǵy № 2 qalalyq sot azamat Rysqalı Amanjan Sáýlebaıulyn eki aılyq merzimge qamaýǵa alýǵa sanktsııa berdi. Ózge aqparat tergeý múddesi úshin aıtylmaıdy», - dep habarlady B.Ǵalıev.

Atyraý oblysynyń burynǵy ákimi Bergeı Rysqalıevtiń týǵan inisi - Amanjan Rysqalı aımaqta bıznespen aınalysyp, birqatar kompanııalardy baqylaýyna alǵan. «Aq jol» partııasynyń atynan Parlament Májilisiniń depýtaty bolyp saılandy. Depýtattyq ókilettigin aǵymdaǵy jyldyń qyrkúıeginde toqtatty. Esterińizge sala keteıik, bul oblystyń burynǵy ákimi Bergeı Rysqalıevtiń izdeýge jarııalanǵan ekinshi týysy. Sottyń qamaýǵa alý sanktsııasymen sondaı-aq burynǵy ákimniń ápkesiniń jubaıy  - Rýslan Álbaqasovqa da izdeý jarııalandy. Onyń kompanııalary men fırmalary birneshe jyl boıy bıýdjetten áleýmettik mańyzdy jobalardy iske asyrýǵa bólingen mıllıardtaǵan teńgeni ıgerip otyrǵan.