Atyraýda sot 30 ınternet-oıynhana saıtyn japty
ATYRAÝ. QazAqparat - Atyraýda sot sheshimimen 30 ınternet kazıno saıtynyń jumysy toqtatyldy, dep habarlady oblystyq sot baspasóz qyzmetinen.
«Atyraý qalalyq soty Atyraý qalasy prokýrorynyń ınternet-kazınony zańsyz dep taný týraly ótinishi boıynsha azamattyq is qarady. Sot otyrysy barysynda qazaqstandyq paıdalanýshylar erkin kire alatyn 30 saıt jumys isteıtini anyqtaldy. Bul saıttarda «Frank-cazino» jumys isteıdi, munda onlaın-rejiminde birneshe qumar oıyn túrlerin («Zerosyz» jáne jandy dılermen rýletkada onlaın-oıyn, blekdjek, poker) oınaý jáne utys tóleý múmkindigi bar.
Sot sheteldik buqaralyq aqparat quralynyń «Frank-cazino» ınternet resýrsynyń ónimin zańsyz dep tanyp, Atyraý qalasy prokýrorynyń ótinishin qanaǵattandyrdy. Sot ony QR aýmaǵyna taratýdy toqtatýǵa qaýly etti. Sot sheshimi zańdy kúshine endi», - dep habarlady sottyń baspasóz qyzmetinde.
