Atyraýda sońǵy anyqtalǵan 4 adam vırýs juqtyrǵandarmen tyǵyz qarym-qatynasta bolǵan

ATYRAÝ. QazAqparat - Atyraý oblysynda COVID-19 ınfektsııasyn juqtyrǵan 4 adam vırýs juqtyrǵandarmen tyǵyz qarym-qatynasta bolǵan, dep habarlaıdy QazAqparat coronavirus2020.kz silteme jasap.

«Aýrý juqtyrýǵa qatysty 4 jaǵdaı Atyraý oblysynan tirkeldi.Onyń ishinde Atyraý qalasynda -3, Jylyoı aýdany-1. Olardyń barlyǵy vırýs juqtyrǵandarmen tyǵyz qarym-qatynasta bolǵan. Atalǵan azamattardyń barlyǵynan zerthanalyq synamalar alynyp, dıagnoz naqtylandy.

Qazirgi tańda naýqastardyń jaǵdaılary qanaǵattanarlyq. Bekitilgen hattamaǵa sáıkes tıisti em júrgizilýde», delingen habarlamada.
Qazirgi tańda naýqastarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alynýda.
Aýrý oshaqtarynda epıdzertteý jumystary, dezınfektsııalyq jumystar júrgizilýde. 7 sáýirdegi málimet boıynsha aımaqta COVID-19 koronavırýs ınfektsısyna shaldyqqan 36 adam anyqtaldy.