Atyraýda soqyrishegine ota jasatqan 5 jasar bala kóz jumdy
ASTANA. QazAqparat - Qaıǵyly oqıǵa 26 aqpan kúni saǵat 19.00-de oblystyq balalar aýrýhanasynda bolǵan, dep habarlaıdy QazAqparat «Moı GOROD» portalyna silteme jasap.
Bul týraly oblystyq balalar aýrýhanasynyń meńgerýshisi Nurqabyl Aıtmuhambetov málim etken.
«Qaıǵyly jaǵdaı keshe keshkisin bolǵan. Balanyń soqyrishegi nemese appendıtsıtin alyp tastaý boıynsha operatsııa júrgizildi. Ókinishke oraı, anestezııa keri áser berdi, bul adam aǵzasynyń kútiletin reaktsııalarynyń biri, sodan bala qaıtys boldy. Qazirgi tańda birqatar saraptama taǵaıyndaldy», - dedi Nurqabyl Aıtmuhambetov.
Medıtsınalyq mekemeniń meńgerýshisi tergeý isi aıaqtalǵanǵa deıin, qaıǵyly jaǵdaı týraly aqparat berýden bas tartty.
Qaıtys bolǵan bala - Atyraý qalasynyń turǵyny.
static.wixstatic.com saıtynan alynǵan ıllıýstratsııalyq foto
