Atyraýda shyǵarylǵan polıpropılenniń alǵashqy partııasy eksportqa jiberildi
El Prezıdenti Qasym-Jomart Toqaev Atyraý oblysyna sapary kezinde gaz-hımııa keshenin iske qosqan edi.
Keshenniń qurylysyna 4300 adam jumysqa tartylǵan. Tolyq qýatynda jumys istegende, munda 631 adam turaqty jumyspen qamtylady. «Teńiz» ken ornynda óndiriletin shıkizatty óńdeýge baǵyttalǵan keshende jylyna 500 myń tonna polıpropılen shyǵara alady.
Atalǵan keshennen 1,5 myń tonna polıpropılen eksportqa jóneltildi. Polıpropılen tıelgen 62 konteıner temirjolmen jiberilgen.
«Qazaqstan ekonomıkasyndaǵy tuńǵysh gaz-hımııa kesheninde jylyna 500 myń tonna polıpropılen shyǵarylady. Bul – birneshe salaǵa arnalǵan buıymdar men túrli bólshekter jasaýǵa qajetti shıkizat. Onyń ishinde mashına jasaý, medıtsına, elektronıka, orama materıaldar, konteınerler, talshyqtar, qubyrlar, baqsha jáne keńse jıhazyy óndirisinde, sondaı-aq, qurylysta, toqyma jáne tamaq ónerkásibinde shıkizat retinde qoldanylady. Sol sebepten, «RGK-Kaspıı», «Ýnıversal», «ALPHA PLAST» sekildi otandyq kompanııalardyń tapsyrysyna sáıkes polıpropılen ónimi jiberile bastady. Zaýyt Qazaqstannyń ishki naryǵyn polıpropılenmen tolyq qamtamasyz etýdi josparlap otyr. Qarasha aıynyń sońyna deıin ónimdi otandyq tutynýshylarǵa, al eksportqa 9 myń tonnadan asatyn taǵy 6 konteınerlik poıyz jiberiledi», - dep habarlady zaýyttyń baspasóz qyzmeti.
Jańa keshendegi polıpropılenniń sapasy shveıtsarııalyq SGS kompanııasynyń zerthanasynda tekseriledi. Zerthana keshen aýmaǵynda jumys istep tur.