Atyraýda shomylý maýsymy ashyldy
ATYRAÝ. QazAqparat - Atyraýda aptap ystyq bastalǵandyqtan Oral ózeninde shomylý maýsymy ashyldy, dep habarlaıdy QazAqparat tilshisi.
Ádette, atyraýlyqtar úshin shomylý maýsymy maýsym aıynda bastalady. Alaıda bıyl aýa temperatýrasynyń 35 gradýsqa deıin kóterilýine baılanysta ózen sýy da jylydy. Bul maýsymnyń erterek bastalýyna múmkindik ashty.
«Ótken jyly 21 adam sýǵa ketti. Bıyl maýsym bastalmaı jatyp oblysta 4 adam sýdyń qurbany boldy. Olardyń barlyǵy balalar. Sýǵa aǵyp bara jatqan 10 adam qutqaryldy. Ata-ananyń baqylaýynsyz qalǵan balalar ruqsat etilmegen jerlerge baryp júzedi. Saldarynan osyndaı oqıǵalar jıi tirkeledi. Al eresek adamdar kóbine sýǵa mas kúıinde túsip, mert bolady» - dedi Batys óńirlik jedel-qutqarý jasaǵynyń basshysy Erbol Birálıev.
Bıyl Atyraý oblysy sý qoımalaryna qutqarýshylar qaýipti eskertetin júzdegen belgilerdi qoıyp, aldyn ala daıyndyqty bastap ketken.
