Atyraýda sheteldikterdi zańsyz jumysqa alǵan kásipker jaýapqa tartyldy
ATYRAÝ. QazAqparat - Atyraýda shetel azamattaryn zańsyz jumysqa alǵany úshin naýbaıhana qojaıyny jaýapqa tartyldy, dep habarlaıdy QazAqparat tilshisi.
«QR ÁQBtK-niń 519-babynda kózdelgen zańbuzýshylyqqa jol bergeni úshin shaǵyn bıznes ıesi 100 AEK, ıaǵnı 240 500 teńge kóleminde aıyppul tóleıtin bolady. Atalǵan naýbaıhanada ruqsat qaǵazynsyz jumys jasaǵany úshin Ózbekstan eliniń 10 azamatyna da QR ÁQBtK-niń 517-baby boıynsha hattama toltyryldy» dep habarlady oblystyq Іshki ister departamentiniń baspasóz qyzmetinen.
Aıta ketelik, 17 qyrkúıekte «Zańsyz kelýshi-2018» jedel is-sharasy barysynda kóshi-qon polıtsııasy qyzmetkerleri 447 ákimshilik quqyqbuzýshylyqty anyqtady. Qazaqstan Respýblıkasy aýmaǵynda júrip-turý erejelerin buzǵan 384 sheteldik jaýapqa tartyldy.
Sondaı-aq, shetel azamattaryn jumysqa tartý erejesin buzyp, olardyń eńbegin zańsyz paıdalanǵan 16 atyraýlyq azamatqa ákimshilik hattama toltyryldy. Atalǵan jedel aldyn alý is-sharasy 20 qyrkúıekke deıin jalǵasady.
