Atyraýda sheteldikter naýbaıhanada zańsyz jumys istegen
Oblystyq polıtsııa departamenti baspasóz qyzmetinen málim etkendeı, bul derek «Ýchaske» jedel profılaktıkalyq is-sharasy kezinde tirkelgen.
«Ýchaskelik polıtsııa qyzmetkerleri oblys ortalyǵyndaǵy Atyraý shaǵyn aýdanynda ornalasqan naýbaıhanada jumys istep júrgen Ózbekstan Respýblıkasynyń 6 azamatyn anyqtady. Tekserý barysynda 3 ózbek azamatynyń jeke basyn rastaıtyn qujaty joq ekeni belgili boldy» -dep habarlady departamenttiń baspasóz qyzmeti.
Qazir Ózbekstan Respýblıkasynyń azamattary Atyraý qalalyq polıtsııa basqarmasynyń qabyldap-taratý ortalyǵyna ornalastyryldy. Olarǵa qatysty jınaqtalǵan is-qujattar kóshi-qon qyzmeti bólimi men Atyraý qalalyq sanıtarııalyq-epıdemıologııalyq basqarmasyna joldandy.
Eske sala ketelik, budan buryn Atyraýda esirtki tasmaldaǵan sheteldik qamaýǵa alynǵanyn jazǵan bolatynbyz.
