Atyraýda sheteldik júk kóligi tolyqtaı janyp ketti
ATYRAÝ. QazAqparat –Atyraý oblysynda jol boıynda sheteldik kóligi júk tolyǵymen janyp ketti, dep habarlaıdy QazAqparat.
Bul oqıǵa «Dossor-Qulsary» baǵytyndaǵy kúre joldyń 45-shaqyrymynda bolǵan. Belarýs Respýblıkasynan Aqtaý qalasyna baǵyt alǵan sheteldik «MAN» kóliginde taýyq eti tıelgen.
«Kezekshi bólimine órt týraly habar 26 mamyrda kúndizgi saǵat 15:00 shamasynda tústi. Arnaıy órt sóndirý kóligi men órt sóndirýshiler oqıǵa ornyna kelgende júk kóligi lapyldap janyp jatqan. Órt saǵat 16:38-de aýyzdaqtaldy. Al, saǵat 17:27-de tolyqtaı sóndirildi», -dep habarlady oblystyq Tótenshe jaǵdaılar departamentiniń baspasóz qyzmeti.
Oqys oqıǵadan zardap shekkender men jazym bolǵandar joq.
