Atyraýda sheteldik júk kóligi órtendi
ATYRAÝ. QazAqparat –Atyraý oblysynda sheteldik júk kóligi órtenip ketti, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetinshe, oqys oqıǵa búgin, 1 shildede saǵat 01:43-te bolǵan.
«Departamenttiń dıspetcherlik qyzmet pýltine Mahambet aýdanyndaǵy Tandaı aýylynan 6 shaqyrym jerde avtokóliktiń órtenip jatqany týraly habar tústi. Oqıǵa ornyna órt sóndirýshiler jetken kezde «Renault Magnum 440» markaly fýranyń kabınasy men qozǵaltqysh bóligi órtenip jatty. Órtti sóndirýge avarııalyq-qutqarý jumystary qyzmetiniń 4 qyzmetkeri men 1 tehnıkasy jumyldyryldy. Jalyn saǵat 02:43-te tolyǵymen joıyldy» -dep habarlady departamenttiń baspasóz qyzmeti.
Órttiń shyǵý sebebi anyqtalýda.
