Atyraýda sheteldik kompanııa mektep oqýshylaryna 1200 kompıýter syılaıdy
ATYRAÝ. QazAqparat – Atyraýda #Bizbirgemiz qaıyrymdylyq aktsııasy aıasynda NCOC kompanııasy mektep oqýshylaryna 1200 kompıýterdi syıǵa beredi, dep habarlaıdy QazAqparat.
«NCOC kompanııasy memlekettik organdarmen kelise otyryp, oqýshylardyń onlaın rejıminde bilim alýy úshin artyq kompıýterlerdi tabystaý arqyly bilim berý mekemelerine qoldaý kórsetý týraly sheshim qabyldady. 10 sáýirde NCOC óńirdegi mektepterdiń qajettiligin qamtamasyz etý maqsatymen alǵashqy 100 kompıýterdi tabystady. Kompıýterler Atyraý oblysynyń bilim berý basqarmasyna mektepterge taratý úshin jetkizildi. Keıin olar jaǵdaıy tómen otbasylardyń balalaryna jiberiledi» -dep habarlady kompanııanyń baspasóz qyzmeti.
Sondaı-aq, taıaýda NCOC kompanııasy shamamen 1200 kompıýterdi syıǵa tartýdy kózdep otyr.
