Atyraýda sheteldik kompanııa qyzmetkerleri túski úziliste asyq oınaıdy
ATYRAÝ. QazAqparat – Atyraýda sheteldik kompanııa qyzmetkerleri túski úziliste asyq oınaıdy, dep habarlaıdy QazAqparat.
Qazaqtyń asyq oıyny tórt jyl buryn ıÝNESKO-nyń sheshimimen «Adamzattyń materıaldyq emes muralary» tizimine engizilgen edi. Endi asyq oıynyna Atyraýdaǵy kompanııalarda jumys isteıtin sheteldikter qyzyǵýshylyq tanyta bastady.
Máselen, «Teńizshevroıl» JShS-niń qyzmetkerleri túski úziliste asyq oınaıdy, láńgi tebedi. Túski úzilisti dál osylaı kóńildi ótkizýdi kásiporynnyń Úkimet jáne jurtshylyqpen baılanys bóliminiń menedjeri Hamısh Pols usynǵan eken. Menedjerdiń bul usynysy áriptesteriniń tarapynan qoldaý taýyp otyr.
«Qazaqstan – tarıhy baı el. Qazaq halqynyń kóp ǵasyrlyq dástúri barshany qyzyqtyrady. Ásirese ulttyq, oıyndarynyń jóni bólek. Sonyń ishinde asyq atý oıyny – dáldik pen eptilikke, sheberlikke úıretetin taptyrmaıtyn ádis. Láńgi tebýdiń de ózindik qyzyǵy bar. Mundaı oıyndar, birinshiden, adamnyń sergek júrýine oń áserin tıgizedi. Ekinshiden, áriptester arasyndaǵy korporatıvtik baılanysty nyǵaıta túsedi», -deıdi Hamısh Pols.
Qazir sheteldikter asyq atyp, láńgi tebý úshin túski úzilisti asyǵa kútedi. Olar atalǵan oıyndardy bir-birine úıretip júr. Tipti sheteldikter toǵyzqumalaq oınaýǵa da bet buryp otyr.
