Atyraýda sheteldik kóliktiń shanaq nómiri jalǵan bolyp shyqty
ATYRAÝ. QazAqparat – Atyraýda sheteldik kóliktiń shanaq nómiri jalǵan bolyp shyqty, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, Atyraý qalasynda turatyn 1949 jylǵy turǵyny aryzdanǵan.
«Onyń aryzynda kórsetilgendeı, qaıtys bolǵan kúıeýiniń «Lexus LX» markaly kóligin óz atyna qaıta resimdegisi kelgen. Alaıda, polıtsııa qyzmetkerleri kólik qujatyn resimdeý Qyzylorda oblysynda 2013 jyly dál osyndaı úlgidegi avtokóliktiń tirkelgenin anyqtady. Sondaı-aq, avtokóliktiń shanaq jáne qozǵaltqysh nómirleri birdeı bolyp shyqty.
Azamatshanyń aıtýynsha, kúıeýi bul avtokólikti 2006 jyly Almaty qalasynan senimhat arqyly satyp alyp, turǵylyqty meken-jaıy boıynsha Atyraý qalasynda óz atyna rásimdegen. Qazir ekinshi avtokólik Nur-Sultan qalasynyń turǵynyna tıesili ekeni belgili boldy» dep habarlady departamenttiń baspasóz qyzmeti.
Eske sala ketelik, budan buryn Atyraýda kóligine jalǵan nómir taǵyp alǵan júrgizýshi ustalǵan edi.
