Atyraýda sheteldik azamattarǵa 17 mln teńge aıyppul salyndy
ATYRAÝ. QazAqparat - Kóshi-qon zańnamasyn buzǵandyǵy úshin Atyraý oblysyndaǵy shetel azamattaryna 17,6 mln teńge aıyppul salyndy, dep habarlaıdy «QazAqparat» HAA tilshisi.
«Jyl basynan beri 3185 shetel azamaty elimizdiń kóshi-qon zańnamasyn buzdy. Zań buzýshylarǵa qatysty aıyppul 17,6 mln teńgeni quraıdy. Sot sheshimimen mıgratsııalyq zańnama tártibin buzǵan 522 shetel azamaty Qazaqstannan shyǵaryldy», - dep habarlady Atyraý oblysy ІІD kóshi-qon polıtsııa basqarmasynyń basshysy Bolat Dosqalıev.
