Atyraýda shetel azamaty blokbeketti aınalyp ótpek bolǵan
ATYRAÝ. QazAqparat – Atyraý oblysynda Ózbekstan azamaty blokbeketti aınalyp ótpek bolǵan, dep habarlaıdy QazAqparat.
«Atyraýda 2 sáýirde túngi 00:30 shamasynda Ózbekstan Respýblıkasynyń 1986 jyly týǵan azamaty «Almaly-Taldykól» selolary arasyndaǵy qara joldan Inder aýdany baǵytyna jaıaý ótpekshi bolǵan. Ustalǵan azamatqa qatysty QR Ákimshilik quqyqbuzýshylyq týraly Kodeksiniń 476-babyna sáıkes hattama toltyryldy. Sot qaýlysymen shetel azamaty bes táýlik qamaldy», - dep habarlady oblystyq polıtsııa departamentiniń baspasóz qyzmeti.
Sondaı-aq, keshe tańerteńgi saǵat 08.20-da Almaly blokbeketinen tys aınalma qara jolda «Toyota Camry» kóliginiń júrgizýshisi toqtatylǵan. Polıtsııa qyzmetkerleri tótenshe jaǵdaı rejımin buzǵan 1987 jylǵy júrgizýshige qatysty hattama toltyrǵan. Bul azamat ta Atyraý qalasynyń mamandandyrylǵan ákimshilik sotymen qaýlysymen 3 táýlikke qamaýǵa alyndy.
Budan basqa atalǵan jolda jáne Qaraózek blokbeketi mańaıyndaǵy qara jol boıynan toqtatylǵan tórt kólik júrgizýshisine de QR Ákimshilik quqyqbuzýshylyq týraly Kodekstiń 476-babymen toltyrylǵan hattamalar sotqa joldandy.
Eske sala ketelik, Atyraý qalasynyń aınalasyna tórt blokbeket ornatylyp, 2 sáýirde saǵat túngi 00.00-den bastap qalaǵa avtokólikter men adamdardyń kirýi jáne shyǵýyna shekteý engizildi.
