Atyraýda sheneýnikter men kásipkerler QR Qylmystyq kodeksiniń 6 babymen aıyptalýda

«Bul baptar «Uıymdasqan top qurý jáne basshylyq jasaý, sonymen qatar oǵan qatysý», «Qyzmettik jalǵandyq», «Laýazymdyq ókilettigin asyra paıdalaný», «Senip tapsyrylǵan bótenniń múlkin ıemdený jáne talan-tarajǵa salý», «Qylmystyq jolmen tabylǵan aqsha qarajattaryn nemese basqa múlikterdi zańdastyrý» jáne «Jalǵan kásipkerlik» sııaqty áreketterge qatysty.

Eske sala keteıik, sot oryndyǵynda 22 adam bar, olar bıýdjettik qarajattardy talan-tarajǵa salýǵa jáne laýazymdyq ókilettikterin asyra paıdalanýǵa aıyptalýda.

Budan buryn habarlanǵandaı, oblystyń burynǵy ákimi Bergeı Rysqalıevtiń qylmystyq qoǵamdastyǵynyń músheleri aýyr jáne asa aýyr sybaılas jemqorlyq jáne ekonomıkalyq qylmystar jasaýynyń nátıjesinde memleketke jáne azamattarǵa jalpy somasy 71 mlrd. teńgeden astam zalal keltirilgen. Qarjy polıtsııasy qabyldaǵan sharalardyń nátıjesinde memleketke 23,6 mlrd. teńgeniń múlki qaıtaryldy. Keltirilgen zalaldyń ornyn odan ári toltyrý maqsatynda jalpy somasy 42 mlrd. teńge kóleminde aıyptalýshylardyń 580 ataýdan astam jyljymaly jáne jyljymaıtyn múlki (5 aıaqtalmaǵan qurylys nysandary; 73 jer ýchaskesi; 2 ákimshilik úı, 13 turǵyn úı, 12 keńse, 23 páter jáne t.b.; 197 kólik quraldary; kommertsııalyq uıymdardyń jarǵylyq kapıtalyndaǵy 31 qatysý úlesi; 145 birlik túrli jabdyqtar; 19 bank esepshoty) tutqyndaldy.

Budan basqa, Shveıtsarııa Konfederatsııasynyń Federaldyq prokýratýrasy Shveıtsarııa bankterindegi Bergeı Rysqalıevtiń jaqyn týystarynyń jáne onyń otbasymen sybaılas tulǵalardyń esepshottaryndaǵy eleýli aqsha qarajattaryn tutqyndady.

2013 jylǵy 11 maýsymda Shveıtsarııa Konfederatsııasyna osy memleket aýmaǵynda tergeý is-qımyldaryn júrgizý jóninde halyqaralyq tapsyrma jiberildi.

B.Rysqalıevke jáne onyń inisi Amanjan Rysqalıǵa, sondaı-aq olardyń taǵy 9 jaqtastaryna halyqaralyq izdeý jarııalandy. Kórsetilgen adamdarǵa qatysty qylmystyq is materıaldary bólek óndiriske alyndy.