Atyraýda sheneýnikter kásipkerlerden júıeli túrde para alyp kelgen

NUR-SULTAN. QazAqparat – Atyraý oblysy Mahambet aýdanynda qurylys bóliminiń qyzmetkerleri kásipkerlerden júıeli túrde para aldy dep aıyptaldy. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıgaıdarov aıtyp berdi, dep habarlaıdy QazAqparat.

«Atyraý oblysynyń Sybaılas jemqorlyqqa qarsy qyzmeti «Mahambet aýdanynyń qurylys bólimi» MM laýazymdy tulǵalarynyń aýdan eldimekenderin jaryqtandyrý jóninde oryndalǵan jumystardyń aktileri boıynsha bıýdjet qarajatyn ýaqytyly jáne kedergisiz aýdarý úshin kásipkerlerden júıeli túrde para alý faktilerin anyqtady. Atalǵan fakt boıynsha QR QK 366-baby boıynsha sotqa deıingi tergeý bastaldy», - dedi D. Bıgaıdarov.

Spıkerdiń aıtýynsha, tergeý jumystary jalǵasýda.

QR Qylmystyq-protsesýaldyq kodeksiniń 201-baby 1 bóligine sáıkes, ózge aqparat jarııalaýǵa jatpaıdy.