Atyraýda sheneýnikke 18 mln teńge aıyppul salyndy
ATYRAÝ. QazAqparat - Sot Atyraý qalalyq turǵyn úı kommýnaldyq sharýashylyq bólimi bastyǵynyń orynbasaryna 18 mln teńge aıyppul saldy, dep habarlaıdy QazAqparat.
«Atyraý qalasynyń №2 sotynda QR QK-niń 2 tarmaǵy boıynsha aıyptalǵan K.K. atty azamatqa qatysty sot májilisi ótti. Ol qalalyq túrǵyn úı kommýnaldyq-sharýashylyq, jolaýshylar kóligi jáne avtomobıl joldary bólimi bastyǵynyń orynbasary bolyp turyp, 2017 jyldyń jeltoqsanynda memlekettik baǵdarlamamen úı alýǵa qolǵabys etkeni úshin 300 myń teńge kóleminde para alǵan. Sot májilisinde aıypty azamat óziniń aıybyn moıyndap, protsessýaldyq kelisim jasaý týraly ótinish bildirip, prokýrormen protsessýaldyq kelisim jasaldy»,-dep habarlady Atyraý qalaly №2 sotynyń baspasóz qyzmeti.
Sot úkimimen prtsessýaldyq kelisim bekitildi. Atalǵan kelisim talaptary boıynsha aıypty azamatqa alǵan parasynyń 60 ese ulǵaıtylǵan kóleminde, ıaǵnı 18 mln teńge aıyppul salyndy. Oǵan memlekettik qyzmette qandaı da bir laýzymdy qyzmet atqarýǵa ómir boıyna tyıym salyndy.
