Atyraýda Sheberler alleıasy ashyldy
Jaıyq ózeniniń jaǵalaýyndaǵy Sheberler alleıasynda atyraýlyq qolóner sheberleri men dızaınerlerdiń «Ulttyq qolóner – tárbıe kózi» atty kórme-jármeńkesi ár aptanyń demalys kúnderi ótedi. Oǵan oblystyq «Іsker áıelder» keńesi men Atyraý qalalyq ákimdigi qoldaý kórsetken.
«Kórme-jármeńkeniń basty maqsaty – kásipkerlerdi qoldaý, olardyń ónimin ótkizýine jaǵdaı jasaý. Sondaı-aq, erekshe naqyshtaǵy ulttyq qolóner týyndylary arqyly qazaq halqynyń salt-dástúrin, tarıhyn, mádenıetin keńinen dáripteý», - deıdi Atyraý qalasy ákiminiń orynbasary Samat Embergen.
Jas dızaıner Álbına Sıǵýatovanyń aıtýynsha, bul – jas kásipkerlerge otandyq
ónimderin usynýǵa arnalǵan tıimdi joba. Munda usynylatyn ár ónimniń sapasy joǵary, baǵasy tutynýshyǵa qoljetimdi otyr.
Eske sala ketelik, buǵan deıin Atyraýda Abaı murasyna arnalǵan sýretshiler sımpozıýmy
ótkenin habarlaǵan edik.
