Atyraýda shatyry ushqan úılerdiń shyǵynyn arnaıy komıssııa esepteıdi
Atyraý qalalyq ákimdiginiń baspasóz qyzmetinen málim etkendeı, 15 shildede keshki saǵat 21:30 shamasynda Atyraý qalasyndaǵy Talqaırań-2 aýylynda 3 turǵyn úıdiń shatyry ushqan.
«Nóser men jeldiń saldarynan turǵyn úılerdiń shatyry ushyp, elektr baǵanasy qulaǵan. Sol sebepten, turǵyn úıler elektr jaryǵynan ajyratyldy. Oqıǵa ornyna okrýg ákimi, jaýapty mekemelerdiń basshylary bardy. Qalalyq ákimdiktiń tapsyrmasyna saı «Atyraý Jaryq» AQ qyzmetkerleri elektr energııasyn túngi 3:30-da tolyǵymen qalpyna keltirdi. Qolaısyz jaǵdaıdan adam ómirine qaýip tóngen derek tirkelmedi. Al 16 shildede Talqaırań-2 aýylyna qala ákimi Shákir Keıkin arnaıy mamandarmen birge baryp, mán-jaımen tanysty. Shatyry ushqan 3 turǵyn úı «Otbasy banki» AQ-da kepildiktikte turdy. Soǵan baılanysty máseleni sheshýdiń zań talaptaryna saı ońtaıly joly qarastyrylyp jatyr», -dep habarlady ákimdiktiń baspasóz qyzmeti.
Atyraý qalasynyń ákimi Shákir Keıkinniń sheshimimen arnaıy komıssııa qurylatyn boldy.
Tabıǵat qubylysynan búlingen úsh úıdi qalpyna keltirý maqsatynda aldyn ala tehnıkalyq tekserý jasaý josparlandy. Sodan keıin shyǵyn mólsheri anyqtalady.
Eske sala ketelik, budan buryn qolaısyz aýa raıynan Atyraý oblysynyń Jylyoı aýdanynda jaryq sónip qalǵanyn jazǵan edik.
