Atyraýda sharýa qojalyǵy qolynan aıyrylǵan qyzmetkerine 5 mln teńge tóleıdi
ASTANA. QazAqparat - Atyraýda sot sharýa qojalyǵynan burynǵy qyzmetkerdiń paıdasyna 5 mln teńge óndirip berdi, dep habarlady «QazAqparat» HAA sottyń baspasóz qyzmetine silteme jasap.
Qurmanǵazy aýdandyq sotyna sharýa qojalyqtarynyń biriniń jumysshysy kelip, jumys barysynda óziniń densaýlyǵyna zııan kelgendigin jáne moraldyq turǵyda zardap shekkendigin aıtyp shaǵymdanǵan. Ózine keltirilgen zııan úshin ol sharýa qojalyǵy ıesinen ótemaqy retinde 20 mln teńge óndirip berýdi suraǵan. Qyzmetker shaǵymynda 2002 jyly qojalyqta elektrık bolyp qyzmet etkendigin, sol ýaqytta basshynyń tapsyrmasymen elektr montajdaý jumysyn jasap jatqanda, ony toq soqqanyn jazǵan.
Sonyń saldarynan er adam eki qolynan aıyrylyp, birinshi toptaǵy múgedek bolyp qalǵan. Budan buryn sot onyń paıdasyna kásiporynnan materıaldyq zalaldyń ornyn toltyrý esebinen belgili bir soma óndirip bergen. Sot jumysshynyń shaǵymyn ishinara qanaǵattandyryp, onyń paıdasyna sharýa qojalyǵynan 5 mln teńge óndirip berdi. Sot sheshimi zańdy kúshine engen joq.
