Atyraýda shańnan tuman qalyptastyp, ekologtar aýadan synama aldy
Oblystyq ekologııa departamentiniń baspasóz qyzmetinen málim etkendeı, buǵan búgin, 9 tamyzda shań tárizdes tuman áser etken.
«Búgin Atyraý qalasynda shań tárizdes tuman paıda boldy. Osyǵan baılanysty Atyraý oblysy boıynsha ekologııa departamentiniń zerthanalyq-taldamaly baqylaý bóliminiń mamandary atmosferalyq aýadan synama alý jumystaryn júrgizip jatyr. Synama jumystary Proparka, Hımıkter kenti, qalanyń oń jaq bóligindegi kárizdik tazartý qondyrǵysynan alyndy», -dep habarlady departamenttiń baspasóz qyzmeti.
Budan buryn Atyraý oblysynda tabıǵatty búldirgenderge 189 mln teńge aıyppul salynǵanyn jazǵan bolatynbyz.
«Departamenttiń memlekettik baqylaý bóliminiń mamandary jyl basynan bergi 6 aıda tabıǵat qorǵaý zańdylyǵynyń saqtalýyna 57 tekserý júrgizdi. Sonyń nátıjesinde ekologııalyq zańnama talaptarynyń buzylýyna qatysty 131 derek anyqtaldy. Tabıǵatty búldirgenderge 189 mln 813 myń teńge 449 teńgeniń ákimshilik aıyppulyn salý týraly 79 qaýly shyǵaryldy», - dep málim etti Atyraý oblysy boıynsha ekologııa departamenti basshysynyń mindetin atqarýshy Syrym Tilegenov.
Keıin Atyraý munaı óńdeý zaýytyna da 5 mln teńge aıyppul tóledi.