Atyraýda shańdy daýyl soǵyp tur
ATYRAÝ. QazAqparat – Búgin Atyraýda shańdy daýyl soǵyp tur, dep habarlaıdy QazAqparat tilshisi.
Atyraý oblysynyń turǵyndaryna 112 qyzmetinen 29 sáýirde eskertý habarlamasy kelgen edi.
Sonymen qatar, oblystyq tótenshe jaǵdaılar departamentiniń baspasóz qyzmeti de aqparat taratty.
«30 sáýirde Atyraý oblysynyń batysynda, ortalyǵynda jáne shyǵysynda naızaǵaı kútiledi. Soltústik-shyǵystan, batystan, ońtústikten soqqan jeldiń ekpini sekýndyna 15-20 metrge jetedi. Atyraý qalasynda kúndiz soltústik-shyǵystan ekpini sekýndyna 15-18 metrge jetetin jel soǵady», - dep saq bolý qajettigin eskertti.
Búgin Atyraý qalasynda qatty jel soǵyp, shańdy daýyl kóterildi.
Eske sala ketelik, buǵan deıin Atyraý oblysyn shańdy daýyl basyp qalǵany habarlanǵan.
