Atyraýda shaǵyn market órtendi
ATYRAÝ. QazAqparat – Atyraý qalasynda shaǵyn marketten órt shyqty, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetine súıensek, 23 tamyzda saǵat 08:40-ta shahardyń Áýezov kóshesinde ornalasqan «Mýslım» shaǵyn marketi órtengen.
«Oqıǵa ornyna jetken órt sóndirýshiler 2 qabatty shaǵyn markettegi kofe qaınatatyn apparat pen 4 sharshy metr bolatyn bólmeniń janyp jatqanyn anyqtady. Jalyndy sóndirýge 20 qyzmetker men 2 arnaýly tehnıka jumyldyryldy. Órt saǵat 09:07-de oqshaýlanyp, saǵat 09:12-de tolyq sóndirildi» -dep habarlady departamenttiń baspasóz qyzmeti.
Eske sala ketelik, budan buryn Atyraýda 12 páterlik turǵyn úı órtendi.
