Atyraýda shaǵyn qaıyqtar sherýi ótti
Atyraý qalalyq ákimdigi baspasóz qyzmetiniń xabarlaýynsha, sherýge shamamen 30 sý kóligi - 20 qaıyq, 2 ıahta, 6 gıdrotsıkl jáne 1 keme qatysqan. Sybaılas jemqorlyqqa qarsy marafonnyń qurmetti qonaqtary- karateden Álem chempıony - Ásel Serikova, mýaıtaıdan Álem chempıonatynyń qola júldegeri - Dıdar Bolatov, Kıkbokstan álem kýbogynyń ıegeri Azamat Ótemisov.
Qatysýshylar marafonnyń jalaýyn jáne Qazaqstannyń memlekettik týyn kóterip, ortalyq kópirden Retro saıabaqqa deıin júrip ótti. Atyraý qalasynyń turǵyndary men qonaqtary úshin kontserttik baǵdarlama uıymdastyryldy.
Atyraý qalasy ákiminiń orynbasary Meıirim Qalaýıdiń aıtýynsha, bul aktsııanyń maqsaty - qoǵamdaǵy sybaılas jemqorlyqqa qarsy mádenıetti qalyptastyrý, sondaı-aq halyqtyń, onyń ishinde jastardyń barlyq toptarynyń ókilderin sybaılas jemqorlyqqa qarsy qozǵalysqa tartý.
«Mundaı sharalardy ótkizý arqyly bizdiń memleketimizdiń sybaılas jemqorlyqqa qarsy saıasaty bolashaqta oń nátıjesin beredi», - deıdi Meıirim Qalaýı.
