Atyraýda «Sergek» kameralarymen 41 myńnan astam quqyq buzýshylyq anyqtaldy
Bul týraly oblys ákimi Mahambet Dosmuhambetovtiń tóraǵalyǵymen ótken otyrysta belgili boldy. Onda «Sergek» aqparattyq-baǵdarlamalyq kesheniniń quqyq buzýshylyq profılaktıkasyndaǵy tıimdiligi máselesi qaraldy.
«Atyraý qalasyndaǵy 51 kóshe qıylysy men 153 jelilik ýchaskede ornatylǵan 1224 «Sergek» beınebaqylaý kamerasynyń kómegimen 41 014 quqyq buzýshylyq anyqtalyp, 343 mln teńgeden astam aıyppul salyndy. Bıylǵy jyldyń eki aıda 15 825 jol júrý erejesin buzýshylyq tirkelip, 33 qylmys ashyldy», - dedi oblystyq polıtsııa departamenti bastyǵynyń birinshi orynbasary Berik Amangeldi.
Onyń aıtýynsha, Ahýaldyq ortalyqta 20 jumys ornyn ashyp, jol tańbalaryn syzýǵa «Termoplastık» qosyndysyn paıdalaný qajettigi týyndap otyr. «Sergek» kameralarymen anyqtalǵan jolda júrý erejesin buzǵandardyń arasynda shet elderde tirkelgen kólikter, jalǵan memlekettik tirkeý belgisin ornatyp, memlekettik tirkeý nómeri belgisiniń sandaryn, áripterin ózgertý, jasyrý faktileri kezdesken.
Eske sala ketelik, buǵan deıin Atyraýda baqylaý kamerasynyń kómegimen 186 qylmys anyqtalǵanyn jazǵan edik.