Atyraýda Senat tóraǵasynyń burynǵy orynbasary ómirden ótti
Qaırat Qydyrbaıuly 1950 jyly 28 qyrkúıekte Atyraý qalasynda dúnıge kelgen. Qazaq polıtehnıka ınstıtýtyn «ınjener-mehanık» mamandyǵymen bitirgen.
Eńbek jolyn 1968-1970 jyldary «Qyzyl balyq» keńsharynda balyqshy, keme mehanıgi bolyp bastaǵan.
1986-1988 jyldary Qurmanǵazy atyndaǵy keńshardyń basqarma tóraǵasy, 1988-1991 jyldary «Oktıabrdiń 70 jyldyǵy», «Qyzyl balyq» keńsharlarynyń basqarma tóraǵasy, 1991-1994 jyldary Balyqshy aýdandyq atqarý komıtetiniń tóraǵasy, atqarý komıteti tóraǵasynyń birinshi orynbasary, Balyqshy aýdandyq ákimshiliginiń basshysy laýazymyn atqardy.
Al 1994-1999 jyldary Jambyl atyndaǵy keńshardyń basqarma tóraǵasy, 1999-2000 jyldary Atyraý oblystyq máslıhatynyń hatshysy, 2000-2001 jyldary Atyraý oblysyndaǵy Jambyl atyndaǵy óndiristik kooperatıvtiń tóraǵasy, 2001-2005 jyldary Atyraý oblysy ákiminiń orynbasary bolyp jumys istedi.
2005-2007 jyldary Atyraý oblysy boıynsha Qazaqstan Respýblıkasy Parlamentiniń III shaqyrylym depýtaty, 2007-2012 jyldary Parlament Senatynyń IV shaqyrylym depýtaty, ekonomıka, qarjy jáne bıýdjet komıtetiniń múshesi (2007-2012); Parlament Senaty tóraǵasynyń orynbasary (2011-2016) laýazymyn atqardy. Senatorlar keńesiniń múshesi bolǵan.
«Qurmet» (2005), «Parasat» (2011), ІІ dárejeli «Barys» (2022) ordenderimen, úsh medalmen marapattalǵan.