Atyraýda saılaý ýchaskesine 101 jastaǵy ájeı keldi

ATYRAÝ. QazAqparat - Atyraý qalasynda óńirdiń eń egde turǵyny 101 jastaǵy Balzıba Májıtova daýys berdi. Keıýana ýchaskege týystarymen birge kelgen, dep habarlaıdy QazAqparat tilshisi.

«El Prezıdentiniń saılaýyna birinshi ret qatysyp turǵan joqpyn. Jasyma qaramastan saılaý ýchaskesine ózim keldim. Qazaqstanda uzaq ómir súretin adamdar jyl sanap kóbeıe bersin, elimiz damyp, órkendeı bersin degen tilektemin», - dedi Balzıba áje.

Atyraý oblysynda daýys beretinder tiziminde 409 679 saılaýshy bar.
Saılaý komıssııalarynyń jalpy sany - 271, onyń 262-si ýchaskelik, 9 aýmaqtyq (oblystyq, qalalyq jáne 7 aýdandyq). Daýys berý 262 ýchaskede júrip jatyr. 12 saılaý ýchaskesine kirý shektelgen, onyń 9-y emdeý mekemelerinde, ekeýi áskerı bólimshede, bireýi tergeý ızolıatorynda.