Atyraýda saılaý kúni avtobýsta jolaýshylar tegin júredi
ATYRAÝ. QazAqparat –Atyraý qalasynda saılaý kúni avtobýstar jolaýshylardy tegin tasymaldaıdy, dep habarlaıdy QazAqparat.
Atyraý qalalyq ákimdigi baspasóz qyzmetiniń málimetinshe, 10 qańtarda Parlament Májilisi men máslıhattar saılaýyna baılanysty qoǵamdyq kólikter jolaýshylarǵa tegin qyzmet kórsetedi.
«Atyraý qalasynyń ákimi Qaırat Orazbaev saılaý ótetin kúni jolaýshylardy tegin tasymaldaýǵa usynys bildirdi. Ákimniń bul usynysy jolaýshy tasymalymen aınalysatyn kompanııalar tarapynan qoldaý tapty. Bul kúni Atyraý qalasyndaǵy 26 marshrýtta júretin avtobýstardyń bári jolaýshylardy tegin tasymaldaıdy» - dep habarlady qalalyq ákimdiktiń baspasóz hatshysy Nazymgúl Qaısaǵalıeva.
Eske sala ketelik, buǵan deıin Atyraýda metanmen júretin avtobýstar jolǵa shyqqanyn habarlaǵan edik.
