Atyraýda saıabaqtar men alańǵa barýǵa tyıym salyndy
ATYRAÝ. QazAqparat - Atyraý qalasynda saıabaqtar men alańǵa barýǵa tyıym salyndy, dep habarlaıdy QazAqparat.
Bul týraly Atyraý qalasynyń bas sanıtarlyq dárigeri Qanat Ǵaınedenovtiń búgingi qaýlysynda aıtylǵan.
«Atyraý qalasynda epıdemıologııalyq ahýal tolyq turaqtanǵanǵa deıin karantıındik shekteý is-sharasy saqtalady. Isataı-Mahambet ortalyq alańyna, «Jeńis» jáne Retro-saıabaqqa barýǵa, buqaralyq, sporttyq, otbasylyq, sonyń ishinde eske alý sharalaryn ótkizýge tyıym salynsyn. Teatrlar men kınoteatrlar, kórmeler, oıyn jáne túngi klýbtarynyń jumysyna tıym salynady», delingen qujatta.
