Atyraýda saýnalar men SPA ortalyqtarynyń jumysyna ruqsat berildi
Oblystyń bas sanıtar dárigeriniń qaýlysyna sáıkes, sulýlyq salondary, shashtarazdar, kosmetologııalyq qyzmet kórsetetin obektilerine aldyn ala jazylý boıynsha (obektiniń toltyrylýy 1 kelýshige keminde 4 sharshy metr esebimen) shtattyq rejımde jumys kestesin belgileı otyryp ruqsat etilgen.
«Fıtnes ortalyqtar, sporttyq-saýyqtyrý obektileri, sport jáne jattyǵý zaldary aldyn ala jazylý boıynsha shtattyq rejımde jumys kestesin belgileı otyryp (1 kelýshige keminde 5 sharshy metr esebinen toltyrylýy obekt syıymdylyǵynyń 50%-ynan aspaıdy), saýnalar, SPA ortalyqtary, basseınder aldyn ala jazylý boıynsha 07.00-den 22.00-ge deıin jumys isteýge ruqsat etiledi. Jeksenbi kúni jumys jasaýyna tyıym salynady» -delingen qaýlyda.
Eske sala ketelik, buǵan deıin Atyraýda kópshilik is-sharany ótkizýge tyıym salynǵan bolatyn.