Atyraýda saýna órtendi
ATYRAÝ. QazAqparat – Atyraý qalasynda saýna órtendi, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetinshe, órt Leshoz yqshamaýdanynda ornalasqan saýnada shyqqan.
«Departamenttiń dıspetcherlik pýltine kúngizgi saǵat 10:00-de saýnanyń órtenip jatqany týraly habar tústi. Órtti sóndirýge arnaıy qyzmettiń 11 qyzmetkeri jumyldyryldy. Oǵan 3 arnaıy tehnıka tartyldy. Jalyn jalpy aýdany 9 sharshy metr bolatyn bý bólmesinde bastalǵan. Qutqarýshylardyń jedel is-áreketiniń nátıjesinde qyzyl jalyn japsarlas turǵan jalpy aýdany 1 400 sharshy metrlik tehnıkalyq qyzmet kórsetý beketin sharpyǵan joq», - dep habarlady departamenttiń baspasóz qyzmeti.
Oqys oqıǵadan eshkim zardap shekken joq. Órttiń shyǵý sebebi anyqtalyp jatyr.
Eske sala ketelik, buǵan deıin Atyraý oblysynda «KamAZ» shóp tıelgen eki tirkemesimen birge órtengenin habarladyq.
