Atyraýda saýda úıi órtendi
ATYRAÝ. QazAqparat - Búgin Atyraý qalasyndaǵy S. Datov kóshesinde ornalasqan «Bastaý» saýda úıi órtendi, dep habarlaıdy QazAqparat tilshisi.
«Saýda úıi búgin saǵat 13.25 shamasynda órtengen. Bir qabatty saýda úıin sharpyǵan órttiń jalpy aýdany 280 sharshy metrdi qurap otyr. Órt 14.38-de tolyq aýyzdyqtaldy. Órtti sóndirýge jeke quramdaǵy birneshe qyzmetker men arnaýly tehnıkalar jumyldyryldy», - dep habarlaıdy oblystyq tótenshe jaǵdaılar departamentiniń baspasóz qyzmeti.
Qazirgi tańda órttiń shyǵý sebebi anyqtalýda.
Qaza tapqandar men jaraqat alǵandar joq.
