Atyraýda saýda ortalyǵynda tyıym salynǵan dinı kitaptar satylǵan
Oblystyq polıtsııa departamenti baspasóz qyzmetiniń málimetinshe, ekstremızmge qarsy is-qımyl basqarmasynyń qyzmetkerleri 5-7 qazanda «Dinı qyzmet jáne dinı birlestikter týraly» zańnyń oryndalysyn baqylaý maqsatynda saýda ortalyqtarynda reıd ótkizdi.
Reıdke oblystyq din isteri basqarmasynyń ókilderi qatysty.
«Birlesken reıd kezinde Atyraý qalasyndaǵy qaıyrymdylyq mekemeleri, meshitter, «Dına», «Baızar», «Nasıha» saýda ortalyqtaryndaǵy dúńgirshekter tekserildi. Saýda ortalyǵyndaǵy dúńgirshektiń birinde tyıym salynǵan dinı mazmundaǵy ádebıetterdi zańsyz satýǵa qatysty birneshe zańbuzshylyq anyqtaldy. Polıtsııa qyzmetkerleri zańsyz satylymnan 24 dana dinı kitapty tárkiledi. Dinı kitaptar saraptamaǵa jiberildi», -dep habarlady departamenttiń baspasóz qyzmeti.
Saýda ortalyǵyndaǵy dúńgirshektiń ıesine qatysty dinı qyzmet jáne dinı birlestikter týraly zańnamasyn buzǵany úshin QR Ákimshilik quqyq buzý kodeksiniń 490-babynyń 1.3-tarmaǵymen ákimshilik hattama toltyryldy.
Eske sala ketelik, budan buryn Atyraýda destrýktıvti dinı aǵymnyń 44 ókiline 1,9 mln teńge aıyppul salynǵanyn habarlaǵan bolatynbyz.
