Atyraýda sarmat dáýirinde kómilgen altyn buıymdar men qarý-jaraq tabyldy
ATYRAÝ. QazAqparat - Atyraýlyq arheologtar bizdiń dáýirimizge deıingi ІІ myń jyl burynǵy kómbeni tapty, dep habarlady «QazAqparat» HAA tilshisi.
«Atyraý oblysy Qyzylqoǵa aýdanynda ejelgi qorǵandardyń birinde qazba jumystaryn júrgizý kezinde qola ǵasyryna jatatyn sarmat kómbesi tabyldy», - dep habarlady tarıhı-ólketaný murajaıynyń dırektory Rashıda Harıpova.
Onyń aıtýynsha, bul jádiger bizdiń dáýirimizge deıingi ІІ myń jyl burynǵy kezeńge tuspa-tus keledi.
«Jaqsy saqtalǵan kómbede metaldy qazan tabyldy, onyń bir qulaǵy janýar beınesinde jasalǵan. Sondaı-aq kóptegen zergerlik buıymdar (sonyń ishinde altynnan jasalǵan), qarý-jaraq, turmystyq zattar bar», - dedi Harıpova.
