Atyraýda salynyp jatqan turǵyn úı kesheni órtendi
ATYRAÝ. QazAqparat –Atyraýda salynyp jatqan 8 qabatty turǵyn úı kesheni órtendi, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetine qaraǵanda, órt saǵat 11:55-te tutanǵan.
«Departamenttiń dıspetcherlik pýltine Atyraý qalasynyń Seıfýllın kóshesinde salynyp jatqan turǵyn úı kesheniniń 3-shi qabatynan tútin shyǵyp jatqany jóninde habar tústi. Oqıǵa ornyna jedel jetken órt sóndirýshiler 8 qabatty turǵyn úı keshenindegi 3-shi qabatta 30 sharshy metrlik bólmede jylý elektr qurylǵylary men plastıkalyq terezeniń órtengeni anyqtaldy. Órtti 9 qyzmetker 2 tehnıkamen saǵat 12:04-te oqshaýlap, saǵat 12:07-de sóndirdi» -dep habarlady departamenttiń baspasóz qyzmeti.
Aldyn ala boljamǵa sáıkes órt elektr symdarynyń qysqa tuıyqtalýynan shyqqan.
Eske sala ketelik, budan buryn Atyraýda órtengen úıden 5 bala qutqarylǵanyn habarlap edik.
