Atyraýda salonyna 6 jolaýshy mingizgen birneshe taksıst ustaldy
ATYRAÝ. QazAqparat –Atyraý oblysynda salonyna 6 jolaýshy mingizgen taksı júrgizýshileri ustaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, 5-7 tamyzda «Taksı» jedel profılaktıkalyq is-sharasy ótkizilgen. Patrýldik polıtsııa qyzmetkerleri Kóliktik baqylaý ınspektsııasynyń ókilderimen birge respýblıkalyq mańyzy bar tas joldarda jol qozǵalysy erejelerin buzǵan 316 derekti anyqtaǵan.
«Onyń ishinde jolaýshylardy tasymaldaý qaǵıdalaryn buzǵan - 53, mindetti tehnıkalyq baıqaýdan ótpegen - 3, kólik quralyn basqarǵan kezde telefon paıdalanǵan - 2, qaýipsizdik beldigin taqpaǵan - 4, baǵdarshamnyń tyıym salý sıgnalyna ótken - 2, kólik quralyn basqarý quqyǵy joq 2 júrgizýshi anyqtalyp, QR Ákimshilik quqyq buzýshylyq týraly Kodekstiń baptaryna sáıkes hattamalar toltyryldy. Al, eki kólik aıyppul turaǵyna qoıyldy», -dep habarlady departamenttiń baspasóz qyzmeti.
Sondaı-aq, «Atyraý-Oral» tas jolynyń 62-shaqyrymynda «Honda Adice», «Atyraý-Astrahan» tas jolynda «Toyota Alphard», «Dossor-Qulsary» jolynyń boıynda «Toyota» kólikteri toqtatylǵan. Bul kólikterdiń júrgizýshileri karantın rejıminiń talaptaryn buzyp, árqaısysy kólik salonyna 6 jolaýshydan otyrǵyzǵan. Olarǵa qatysty jınaqtalǵan qujattar tıisti sheshim qabyldaý úshin Atyraý qalalyq taýarlar men qyzmetterdiń sapasy men qaýipsizdigin baqylaý basqarmasyna joldandy.
Eske sala ketelik, buǵan deıin Atyraýda balaǵa zorlyq jasamaq bolǵan kúdiktini ustaýǵa kómektesken marapattalǵan edi.
