Atyraýda salmaǵy 5,7 keli bolatyn alyp bala dúnıege keldi
Oblystyq densaýlyq saqtaý basqarmasy baspasóz qyzmetiniń málimetinshe, alyp náreste oblystyq perınataldyq ortalyǵynda ómirge kelgen.
«Qazir alyp balanyń da, ony ómirge ákelgen anasynyń da jaǵdaıy jaqsy. Alyp náreste – otbasyndaǵy tórtinshi bala. Sábıdiń salmaǵy iri bolǵan soń, dárigerler anasyna kesar tiligi arqyly ota jasady. Ol – bıyl óńirde dúnıe esigin ashqan alǵashqy alyp bala. Onyń salmaǵy – 5700 gramm, al, boıy – 64 sm», -dep habarlady basqarmanyń baspasóz qyzmeti.
Dárigerlerdiń aıtýynsha, medıtsınada náresteniń salmaǵy 4 keliden assa, iri, al, 5 keliden joǵary bolsa, alyp sanalady.
Baspasóz qyzmetiniń deregine qaraǵanda, keshe, 20 qarashada 34 sábı dúnıe esigin ashqan. Onyń ishinde bir egiz bar.
«Saılaý kúni ómirge kelgen nárestelerdiń 19-y ul, 15-i qyz. Analar men sábılerdiń densaýlyǵy qalypty, bári de dárigerlerdiń jiti baqylaýynda alyndy» -dep málim etti basqarmanyń baspasóz qyzmetinen.
Budan buryn Atyraýda bıyl 96 egiz ómirge kelgenin habarlaǵan edik.
Oblystyq perınataldyq ortalyǵy dırektorynyń orynbasary Almıra Sabyrǵalıevanyń aıtýynsha, bıylǵy 9 aıda 6 796 sábı dúnıege kelgen.
Onyń ishinde 96 egiz ben bir úshem tirkelgen.
Úshem 6 qyrkúıekte dúnıege kelgen úshemniń ekeýiniń salmaǵy – 1 keli 800 gramm, úshinshisi – 2 keli 200 gramm.
Jas otbasy Eset Qumar men Aıangúl Sábıtova jańa týǵan úshemge Ahmad, Batyrhan, Ismaıl esimin bergen.