Atyraýda salmaǵy 118 kg bolatyn balyq aýlandy
ATYRAÝ. QazAqparat –Atyraýda salmaǵy 118 keli qortpa balyǵy bekire zaýytyna tapsyryldy, dep habarlaıdy QazAqparat.
31 tamyzda «Amangeldi» atyndaǵy óndiristik kooperatıvtiń balyqshylary kishi Damby tartymynan salmaǵy 118 keli bolatyn qortpa balyǵyn aýlady. Bekire tuqymdas balyqtar tobyna jatatyn alyp qortpa «Jaıyq-Atyraý» bekire shabaǵyn ósirý zaýytyna tapsyryldy.
«Álemde bekire tuqymdas baǵaly balyqtar «Qyzyl kitapqa» engizilgen. Sol sebepten, tabıǵı qory azaıǵan mundaı balyqtar tek ǵylymı-selektsııalyq baǵytta ǵana aýlanady» -dep habarlady óńirlik kommýntkatsııalar qyzmeti.
Eske sala ketelik, buǵan deıin Atyraýda Jaıyqqa bekire tuqymdas balyqtyń 3,6 mln-nan astam shabaǵy jiberilgen bolatyn.
