Atyraýda «Salaýattylyq ədetter» marafony bastaldy
ATYRAÝ. QazAqparat - Atyraýda 11 shildede bastalǵan chellendj 8 qyrkúıekke deıin jalǵasady, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Densaýlyq saqtaý mınıstrliginiń bastaýymen respýblıka kóleminde keń aýqymdy marafon bastaý aldy.
Marafon 11 shilde kúni Atyraýdaǵy «Retro park» saıabaǵynda bastaldy. Búgingi shara qalalyq №7 emhana men Atyraý medıtsınalyq kolledji jáne salaýatty ómir saltyn qalyptastyrý ortalyǵynyń uıymdastyrýymen ótkizilip otyr. Mundaǵy basty maqsat - árbir adamnyń óz densaýlyǵyna degen jaýapkershiligin arttyrý. 
Marafon 5 stantsııadan turady. Halyq densaýlyǵyna keri áserin tıgizetin tuzdan saqtaný, kúnine 2 lıtr sý ishý, jemis-jıdekter stantsııasynda vıtamınderdiń adam densaýlyǵyna paıdasyn túsindirý, shuǵyl jaǵdaı oryn alǵan kezde oryndaýǵa tıis is-árekettermen tanystyrý, kúnine 10 myń qadam jaıaý júrý.
Uıymdastyrýshylardyń aıtýynsha, osy tapsyrmalardy kúndelikti oryndaý arqyly óz densaýlyǵyńdy nyǵaıtatyn bolady.
«Marafonda qoıyp otyrǵan talaptarymyzdy ár mekeme jáne turǵyn óz deńgeıinde jalǵastyryp otyrýy qajet. Qyrkúıek aıynyń 8-shi juldyzynda materıaldar respýblıkaǵa joldanyp, qorytyndysy shyǵady. Osy marafonnyń erejelerin oryndaǵandar arnaıy alǵys hat jáne baǵaly syılyqtarmen marapattalady»,- deıdi Atyraý medıtsına kolledjiniń dırektory Laýra Qubaeva.
Aıta keteıik, bastamaǵa qatysýshylar mindetti túrde salaýatty ómir saltyn qalyptastyrý ortalyǵynyń áleýmettik jelilerine tirkelip, bastamany qoldaıtyndyqtaryn sýret nemese beıne arqyly, «densaýlyq kepili», «saý ádetter marafony» heshtegteri arqyly áleýmettik jelilerde bólisýi tıis.
