Atyraýda rýlde qan qysymy kóterilgen júrgizýshiniń kóligi aýdarylyp, 3 adam aýrýhanaǵa tústi
ATYRAÝ. QazAqparat – Atyraýda rýlde qan qysymy kóterilgen júrgizýshiniń kóligi aýdarylyp qaldy. Júrgizýshi men eki jolaýshy aýrýhanaǵa jetkizildi, dep habarlaıdy QazAqparat.
Jol-kólik oqıǵasy búgin, 25 aqpanda Atyraý qalasynda bolǵan.
Ábilqaıyr han dańǵylymen kele jatqan «Changan CS55» kóligi saǵat 13:34 shamasynda jol jıegindegi taldarǵa soǵylyp, aýdarylyp qaldy.
Polıtsııa qyzmetkerleri atalǵan jol-kólik oqıǵasyna baılanysty tekserý júrgizdi.
Tekserý kezinde kólik rýlinde otyrǵan 1959 jylǵy er adamnyń qan qysymy kóterilgeni anyqtaldy.
«Júrgizýshi sol sebepten, kóliktiń basqarý júıesin ıgere almaǵan. Kóliktiń aýdarylýynan zardap shekken júrgizýshi men eki jolaýshy aýrýhanaǵa jetkizildi», -dep habarlady oblystyq polıtsııa departamentiniń baspasóz qyzmeti.
Eske sala ketelik, buǵan deıin Atyraý oblysynda jol apatynan 7 adam aýrýhanaǵa jetkizilgenin jazǵan bolatynbyz.
