Atyraýda «Rýhanı jańǵyrý: Bolashaqqa bastar jol» semınar-trenıngi ótti

ATYRAÝ. QazAqparat - Atyraýdaǵy munaı jáne gaz ýnıversıtetinde Qazaqstan Respýblıkasynyń Tuńǵysh Prezıdenti - Elbasy kitaphanasynda «Rýhanı jańǵyrý: Bolashaqqa bastar jol» semınar-trenıngi ótti, dep habarlaıdy QazAqparat tilshisi.

«Semınardy Elbasy kitaphanasynyń jetekshi ǵylymı qyzmetkerleri Prezıdenttiń «Bolashaqqa baǵdar: rýhanı jańǵyrý» strategııalyq maqalasy negizinde uıymdastyryp, onyń negizgi erejelerin túsindirýge arnady. «Básekege qabilettilik - XXI ǵasyrdaǵy ulttyń jańǵyrýy», «Qazaqstannyń tarıhı joly men evolıýtsııalyq damýy», «Ulttyq sáıkestikti saqtaý», «Ashyq sana - bolashaqqa aparar jol» lektsııalary, sondaı-aq, komandalyq oıyndar men psıhologııalyq jattyǵýlar, praktıkalyq sabaqtar syndy trenıngter semınar qatysýshylaryna qoǵamdyq sanany jańǵyrtý týraly júıeli túsinik alýǵa kómektesedi.

Semınarlar Atyraý oblysynyń oqý oryndarynyń qyzmetkerlerine bilim jáne mádenı-aǵartý salalarynda jastarmen jumys jasaýǵa, jańa tehnologııalardy meńgerýge múmkindik beredi. Kezdesý aıaqtalǵan soń semınar-trenıngtiń qatysýshylary Elbasy Kitaphanasynyń kýálikterin alady», - dedi Qazaqstan Respýblıkasynyń Tuńǵysh Prezıdenti - Elbasy kitaphanasynyń baspasóz qyzmetiniń ókili.

Shara Qazaqstan Respýblıkasynyń Tuńǵysh Prezıdenti - Elbasy kitaphanasynyń «N.Nazarbaev: dáýir, tulǵa, qoǵam» atty kóshpeli kórmelik jobasy aıasynda uıymdastyryldy.