Atyraýda retro-dıskotekaǵa 7 myńǵa jýyq adam qatysty
ATYRAÝ. QazAqparat - Atyraýdaǵy Sultan Beıbarys alańynda 3 saǵat boıy 80-90-shy jáne 2000-jyldardyń hıt óleńderi oryndaldy, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Atyraý qalasy ákimdiginiń qoldaýymen qoǵam belsendileri ashyq aspandaǵy dıskotekany uıymdastyrǵan bolatyn. 90-jyldardyń hıtterine bıleýge kelgen halyqtyń sany 7 myńǵa jýyqtady.
«Bul dıskoteka aldyńǵy rekordty jańartty. 31 tamyzda bolǵan sharaǵa shamamen 5 myń adam jınalǵan bolatyn. Juma kúni keshke adamdar jumystan sharshaǵanyna qaramastan, barlyǵy otbasymen kelip, úsh saǵat boıy bıleýdi toqtatpady», - deıdi uıymdastyrýshy Arman Haırýllın.
Aıta keteıik, Qazaqstandaǵy ekinshi ret mundaı ashyq aspanda retro dıskotekasyn uıymdastyrǵan ázirge Atyraý qalasy ǵana. Uıymdastyrýshylardyń aıtýynsha, saltanatty shara dástúrge aınalyp, odan da kóp azamattardy jınaýdy josparlap otyr.
