Atyraýda respýblıkalyq ÚEU-bıznes-memleket úshjaqty seriktestik forýmy bastaldy

ASTANA. QazAqparat - Búgin Atyraýda alǵash ret respýblıkalyq "ASAR" ÚEU, bıznes jáne memlekettiń ózara əreketine baǵyttalǵan úshjaqty seriktestik forýmy bastaldy, - dep habarlaıdy Atyraý oblystyq óńirlik kommýnıkatsııalar qyzmeti.

Forým uıymdastyrýshylary - QR Din isteri jəne azamattyq qoǵam mınıstrligi, "Atameken" ulttyq kəsipkerler palatasy, Atyraý oblysynyń əkimdigi. «Chevron», «Tengizchevroil», «Raimbek Group» kompanııalary, Qazaqstan jastary Kongresi, "Jastar tańdaýy-Atyraý" QU, "Azamattyq bastamalardy qoldaý ortalyǵy" kommertsııalyq emes uıymy forým seriktesteri qatarynda.
 

Forým aıasynda Atyraý oblysynyń əkimi Nurlan Noǵaev sóılep, aımaqta ÚEU-bıznes-memleket qatysýymen əleýmettik jobalar tabysty júzege asyp jatqanyn aıtty. Mysaly, "Zańǵar" jastar jobasy - oqýshylar men stýdentterdiń aldyńǵy qatarly tehnologııalardy meńgerýine baǵyttalǵan. Jobany "Shevron" kompanııasynyń qoldaýymen «International Youth Foundation» halyqaralyq jastar uıymy men "InfoTsentr" jergilikti qoǵamdyq birlestik júzege asyryp otyr.

"Jobamen 5 myń adam, júzden astam oqý oryndary qamtylyp otyr. Halyqaralyq dərejedegi júzden astam trener daıyndaldy", - dedi oblys əkimi.

Kəsipkerlikti damytý salasynda "Jarqyra" baǵdarlamasy tıimdiligin kórsetti, onyń aıasynda eki jyl ishinde 12 bıznes jobaǵa qarjylaı qoldaý kórsetildi. "Jarqyra" jobasyn "Ortalyq Azııa Evrazııa" qory "Teńizshevroıl" kompanııasynyń qoldaýymen júzege asyrýda.

Oblys əkimi atyraýlyq kəsipkerler əleýmettik nysandar qurylysyna - balalar ortalyqtary, bala baqshalar, saıabaq, mədenıet, sport nysandaryna qarjy salýda belsendi ekenderin atap ótti.

Memleket basshysynyń "Bolashaqqa baǵdar: rýhanı jańǵyrý" baǵdarlamalyq maqalasynyń "Týǵan jer" baǵyty boıynsha  jalpy quny bir mıllıard teńge bolatyn 11 joba júzege asyp jatyr. Ony jergilikti kəsipkerler qarjylandyrǵan.

Sondaı-aq, forým aıasynda bıznes-qurylymdar men UEU-dar arasynda birlesken əleýmettik jobalardy iske asyrý úshin 10 memorandýmǵa qol qoıylady. Kelisimder men memorandýmdar ÚEU jumysyna baılanysty barlyq tosqaýyldardyń aldyn alady degen boljam bar.

"ASAR" úshjaqty seriktestik forýmy "Rýhanı jańǵyrý" baǵdarlamasynyń quramdas bóligi bola otyryp, jyl saıyn ÚEU, bıznes pen memleket arasyndaǵy dıalog alańyna aınalatyn bolady.