Atyraýda respýblıkalyq qazaq ulttyq kıimder festıvali ótti
ATYRAÝ. QazAqparat - Atyraýdaǵy oblystyq Sh.Sarıev atyndaǵy kórkemsýret jáne qoldanbaly-sándik óner mýzeıinde «Oıýlar sóıleıdi» atty respýblıkalyq qazaq ulttyq kıimder festıvali ótti, dep habarlaıdy QazAqparat tilshisi.
«Respýblıkalyq festıvalge 11 dızaıner Atyraý oblysy, Batys Qazaqstan oblysy, Aqtobe oblysy jáne Mańǵystaý oblysynyń ókilderi qatysyp, sán úlgilerin kórsetti. Maqsatymyz - qazaqtyń ulttyq kıimderin nasıhattaý, qazaqtyń dástúrli ulttyq kıimderin daıyndaıtyn talantty sheberlerdi anyqtaý jáne qoldaý. Qazylar alqasy quramynda oblysymyzǵa tanymal ózindik erekshe qoltańbasy bar dızaınerler Gúlmarjan Mahambet pen Marjan Marshall jáne Veronıka Qoshmanovalar saıysqa tórelik etti. Keleshekte taǵyda osyndaı sharalarymyz joǵary deńgeılerde ótip turady dep oılaımyz», deıdi festıvaldi uıymdastyrýshylar.
Aıta ketsek, júldeli birinshi oryndy mańǵystaýlyq dızaıner Anar Ospanova ıelendi. Ekinshi oryndy aqtóbelik Roza Bısekenova men atyraýlyq Aıman Jalıeva alsa, úshinshi oryndy atyraýlyq Kamıla Japalova jáne BQO-nyń dızaıneri Nazymgúl Orazgeldıevalar ózara enshiledi.
