Atyraýda Respýblıka kúnine oraı Memlekettik tý kóterildi
Memlekettik týdy kóterý rásimine oblys ákimi Serik Shápkenov, óńir jurtshylyǵynyń ókilderi qatysty.
«Ata-babalarymyz san ǵasyr armandap ótken táýelsizdikke qol jetkizdik. Táýelsizdigimiz 1990 jyly 25 qazanda qabyldanǵan egemendik týraly deklaratsııadan bastaý alady. Respýblıka kúni – elimizdiń memleket qurý jolyndaǵy tarıhı qadamynyń sımvoly. Bıyl Memleket basshysy Qasym-Jomart Toqaev bul kúndi Ulttyq mereke retinde qaıta jańǵyrdy. Bul – dańqty datany ulttyq, memlekettik mereke deńgeıine kótergen ádil ári tarıhı sheshim. Ortaq shańyraǵymyz – Otanymyz yrysqa kenelip, kók baıraǵymyz bıikte jelbireı bersin», -dedi Serik Shápkenov.
Atyraýda bıiktigi 91 metrlik týtuǵyr 2020 jylǵy 30 jeltoqsanda ornatylǵan. Alyp týdy únemi kórinip turýy úshin qolmen nemese elektr jetegimen kóteretin kóp qyrly bolattan jasalǵan konýstyq tiregi bar.
Uzyndyǵy 80 metrlik týtúǵyr kompozıtsııasy sýburqaq pen doǵa pishindi kompozıtsııadan turady. Kompozıtsııanyń orta tusynda qoladan jasalǵan Qazaqstan Respýblıkasynyń kartasy, joǵary jaǵynda Eltańba, al shetki bólikterinde Ánuran jazylǵan.
Respýblıka kúninen oraı Týǵyrda ótken saltanatty jıyn jergilikti ónerpazdardyń merekelik kontsertine ulasty.
Eske sala ketelik, buǵan deıin Atyraý turǵyndary 25 qazanda qoǵamdyq kólikte tegin https://kaz.inform.kz/news/atyrau-turgyndary-25-kazanda-kogamdyk-kolikte-tegin-zhuredi_a3993107 júretinin, keıin qujat alý úshin HQO-ǵa kelgen atyraýlyqtarǵa syılyq https://kaz.inform.kz/news/kuzhat-alu-ushin-hko-ga-kelgen-atyraulyktarga-syylyk-ulestirildi_a3993289 úlestirilgenin jazǵan edik.
